Koronavaksinering i veke 27, 28 og 29
Me har fått oversikt over talet på vaksiner me får i veke 28 og 29. I veke 27 har alle fødd i 1973 (48år) fått tilbod om vaksine og ein har begynt på dei som er født i 1974. I veke 28 mottar me berre vaksiner til revaksinering. I veke 29 får me ca. 80 doser med Pfizervaksine. Me held fram med å vaksinere i gr. 9 og begynner å vaksinere i gr. 10.
Me vaksinerer fortløpande etter retningslinjer frå FHI og vaksinerer no i gruppe 9. Sjå prioriteringsrekkefylgja under:
Prioriteringsrekkefylgje:
- Bebuarar i sjukeheim
- Alder 85 år og eldre
- Alder 75-84 år
- Alder 65-74 år
og samtidig personar mellom 18 og 64 år med sjukdomar/tilstander med høg risiko for alvorleg forløp - Alder 55-64 år med underliggande sjukdomar/tilstander
- Alder 45-54 år med underliggande sjukdomar/tilstander
- Alder 18-44 år med underliggande sjukdomar/tilstander
- Alder 55-64 år
- Alder 45-54 år
- Alder 18-24 år og 40-44 år
- Alder 25-39 år
Er du i prioriteringsgruppe 5 - 7, dvs. personar i aldersgruppa 64 - 18 år med underliggande sjukdomar, og ikkje har fått tilbod om vaksine, kan du ta kontakt med legekontoret på tlf. 56166300.
Dei underliggande sjukdommane er:
- Kronisk leversjukdom eller betydeleg nedsett leverfunksjon
- Immundempande behandling som ved autoimmune sjukdomar
- Diabetes
- Kronisk lungesjukdom, inkludert alvorleg astma som har medført bruk av høgdose-inhalasjonssteroider eller steroidtabletter siste året
- Fedme med kroppsmasseindeks (KMI) på 35 kg/m2 eller høgare
- Demens
- Kroniske hjarte- og karsjukdom (med unntak av høgt blodtrykk)
- Hjerneslag
Me ber om at alle har tatt ei avgjerd på om ein ynskjer vaksine eller ikkje når me tar kontakt. Me veit endå berre 1-2 veker fram i tid kva mengde me får av vaksine. Det er difor kort varsel på tildelt time til vaksinering, og me oppfordra alle til å ordne seg slik at ein kan stille på tildelt time så langt det lar seg gjere.
Me vaksinerer framleis om onsdagar i det gamle lokalet til legekontoret på Hosteland. Møt så presist som mogleg til klokkeslettet du har fått og vent i bilen til du blir henta inn. Dette pga smittevern.
Er du nyleg flytta til kommunen og ynskjer vaksine, ta då kontakt med legekontoret.
Tekst: Trude Fykse, Masfjorden legekontor