Kunngjering av godkjent interkommunal plan for sjøsona i region Nordhordland
Vedtaket er heimla i plan- og bygningsloven §§ 9-3 og 11-15.
Godkjenningsvedtaket vart gjort i samsvar med semje i meklingsmøte med Statsforvaltaren i Vestland den 25.09.2023 på Statens Hus i Bergen.
Følgjande plandokument vert med dette gjort tilgjengeleg:
Planskildring dagsett 03.10.2023
Framlegg frå det interkommunale planutvalet (IKPU)
Saksframlegg med vedtak i kommunestyret den 26.10.2023
Kunnskapsgrunnlag inkludert konsekvensutgreiing
Vedtak som er gjort etter § 11-15 kan ikkje påklagast.
Planområdet til den interkommunale planen omfattar sjøareala i kommunane Alver, Austrheim, Fedje, Gulen, Masfjorden, Modalen, Osterøy og Vaksdal og gjeld i hovudsak berre for sjøområda. Det vil seia frå flomålet i elveosar og ned til og med sjøbotn. Ein interkommunal plan er ei samansetting av fleire sjølvstendige kommunale planar.