Næringsprisen
Prisvinnarane i Masfjorden kommune
Årstal | Prisvinnarane |
2014 | Frode Haugsvær maskin Har gjennom lang tid bygd seg opp frå enkeltmannsføretak til ei av dei største private aktørane/arbeidsgivarane i Masfjorden. |
2013 | Haldis og Magnar Ulvatn For utvikling av Nordbygda senter A/S med moderne daglegvareforetning og offentlege tenester. Lokal tenesteyting. |
2012 | Frøyseth gardsmat Ei føregangsbedrift innan sin bransje. Dei har turt og satsa friskt i ein kanskje vanskeleg, men likevel veksande nisje. |
2011 | Ansgar Birkeland AS - v/Styreleiar Helge Birkeland Prisvinnaren har hatt ei flott utvikling sidan opphavet på 1980-talet (registert i 1986). Dei fem siste åra er omsetnaden meir enn dobla og bygd opp ein god soliditet i selskapet. |
2010 | Einekavane AS - v/Styreleiar Reidun Kvamsdal Verksemda, som er eit relativt ungt aksjeselskap, har synt ein god vekst dei siste åra, og spesielt for 2009. Selskapet har eit breitt tilbod av tenester, og opererer i heile regionen. |
2009 | Stordalen Skisenter AS - v/Styreleiar Arne Berg Stordalen Skisenter har med si raske etablering og utvikling, skapt eit populært vintertilbod i Stordalen, for både Masfjordingar og tilreisande. |
2008 | Karen Margrethe Sleire Prisvinnaren er dagleg leiar i eit aksjeselskap, og har drive i bransjen i 25 år. Selskapet lagar tradisjonsrike produkt, og det er i dag rundt 45 ulike produkttypar i utvalet. |
Retningsliner for næringsprisen
Formål
§ 1 - Prisen er meint som ein inspirasjon til næringslivet i kommunen og skal vera eit heidersteikn til verksemda som mottek prisen. Prisen skal verte tildelt ei verksemd som har utmerka seg og alle kan komma med framlegg til kandidatar. Blant kandidatane vel ein oppnemnt komité, vinnaren.
Innhald
§ 2 - Prisen skal bestå av eit diplom i tillegg til ein pengesum sponsa av Masfjorden kommune.
Kven kan få prisen?
§ 3 - Krav til verksemder som kan få prisen:
Alle som leverer næringsoppgåve
Hovudkontoret må ligge i Masfjorden
Verksemda må ha vore i drift i eit heilt år og må ha levert årsrekneskap.
Tidspunkt for tildeling
§ 4. a) Prisen skal verte tildelt årleg, fortrinnsvis under Kraftspela, eller ved tilsvarande arrangement. Dersom det ikkje er noko høveleg arrangement, skal prisen verta delt ut i løpet av første halvår kvart år.
§ 4. b) Dersom komiteen ikkje finn verdige kandidatar, vil det ikkje verta delt ut nokon pris for det aktuelle året.
Frist for nominering av kandidatar
§ 5 - Alle kan komme med framlegg til kandidatar. Medlemmar av Masfjorden Næringsforum skal kvart år bli oppfordra til å nominera aktuelle kandidatar til prisen. Frist for å komme med framlegg vert sett til 1.mars kvart år.
Tilhøve som skal vektleggast ved tildeling
§ 6. a) Følgjande kriterium/ forhold vil bli lagt vekt på ved tildeling av pris:
Skaper positivt omdømme for Masfjorden
Evne til omstilling og nytenking
Skaping av nye arbeidsplassar
Resultatutvikling
Arbeidsmiljø
Kompetanseutvikling
Serviceinnstilling
Miljøomsyn
§ 6. b) Kriterium for prisen skal godkjennast av årsmøtet for Masfjorden Næringsforum kvart år.
Komité for tildeling av pris
§ 7. a) Komiteen for tildeling av prisen skal vera samansett av fem personar:
2 pers frå styret i MNF, valt på årsmøtet
1 person frå Masfjorden kommune
Sparebanken vest i Knarvik v/ næringsavdelinga
Avisa Nordhordland v/ redaktøren
§ 7. b) Styret i MNF skal kvart år væra pådrivar for utdeling av Masfjorden Næringspris.
Grunngjeve framlegg på kandidatar sender du til innan 1. mars til:
post@masfjorden.kommune.no, eller Masfjorden kommune, 5981 Masfjordnes .